ASPALDIAN

ASPALDIAN 2013-2014

   Burlatako euskaldun zaharrekin antzineko kontuei buruz aritu gara hizketan azkeneko hilabete hauetan. "Aspaldian" izenpean grabaturiko bideo txiki hauetan 16 auzokide gerturatu dira gure pantaila txikira. Osotara ia 50 minutu hartzen duten 10 bideo hauek, askotan gure begien aurrean izanda ere, oharkabean pasatzen zaigun ondarearen lagin txiki bat besterik ez dira.

   Euskaraz bizirik mantendu duten gure bizilagun hauengana jo nahi izan dugu euren iritzi eta esperientzien berri hurbiletik jasotzeko. Bestetik, haien ahotik entzundako pasadizoen bidez, gure herriak izandako bilakaera ere pixka bat hobeki ezagutzeko parada izan dugu. Jakin badakigu agertzen direnak baina askoz gehiago badirela, baina egindakoa errealitatearen islada txiki baten gisara hartu behar da.

   Saio hauen sailarekin ere, emanen dugu bukatutzat 2012. urtean martxan jarritako BurlataTB izeneko egitasmo xume hau. Gure txikitasunetik abiaturik, uste dugu bete dugula gure hasierako helburua, hau da, agerian geratu da Burlatan badagoela non eta norekin aritu euskaraz, beraz, gure esku ere badago praktikan jartzeraren ardura. Era berean, baieztatu ahal izan dugu euskaraz bizi nahi dugunon eskubideak bermatuak izan daitezen, instituzioen aldetik beste jarrera bat guztiz beharrezkoa dela.

   Halaxe bada, koplak dioenez "hauxe da despedidia". Gure aldetik, zuen denbora eta arreta eskaini diguzuen guztiei, berriz ere, esker onak ematea besterik ez zaigu geratzen. Hemendik aurrera matraka gehiagorik ez dizuegu emango, hala ere gogoratu... maita dezagun gutxio eta goza dezagun gehiago.

BurlataTB 13-14






ASPALDIAN X

Josefina.
Burlatako euskaldun zaharrekin solasean.






ASPALDIAN IX

Gero.
Burlatako euskaldun zaharrekin solasean.





ASPALDIAN VIII

Agurne.
Burlatako euskaldunekin solasean.





ASPALDIAN VII

Miguel.
Burlatako euskaldun zaharrekin solasean.





ASPALDIAN VI

Martina eta Tere.
Burlatako euskaldun zaharrekin solasean.





ASPALDIAN V

Beñat.
Burlatako euskaldun zaharrekin solasean.





ASPALDIAN  IV

Xabier.

Burlatako euskaldun zaharrekin solasean.

 

ASPALDIAN  III



Maria eta Hilario.

Burlatako euskaldun zaharrekin solasean.

ASPALDIAN  II

Tere eta Pontxi.

Burlatako euskaldun zaharrekin solasean.

ASPALDIAN  I

Juan Jose, Maritxu, Tomas eta Dolores.

Burlatako euskaldun zaharrekin solasean.

Aspaldian

   Aurreko batean esaten genuenez, honetan aritu garenontzat, oso aberasgarria izan da joan den denbora honetan izandako esperientzia hau. Izan ditugun solasaldietatik bi ondorio nagusi atera ditugu. Batetik, Burlata bizirik dagoela, hau da, gure kaleetan mota askotako ekintza eta jardunak garatzen direla. Bestetik, zeregin horietan aritzen diren lagunen alde garrantzitsu bat euskalduna dela. Baina horrela izan al da beti?

 Dakigunez, gure herriak aldaketa handiak jaso zituen mendearen azkeneko hamarkadetan. Populazioa izugarri hazi zen, eta horren ondorioz herria bera fisikoki asko handitu zen. Pentsakera eta giza-harremanetan ere eman zen bilakaera ez zen txikia izan. Testuinguru aldakor honetan euskaldunek hizkuntzari eusten jakin izan zuten, are gehiago, gaur egungo belaunaldi berriekin euskara indarberriturik atera da.

  Honetan pixka bat gehiago sakontzeko eta aspaldian kontu hauek nola ziren jakin nahian, bertako adineko euskaldun zaharrengan jotzeko asmoa dugu hurrengo hilabeteetan. Izan ere, haiek izango dira, inor baina hobeto, garai horietan gauzak nola ziren kontatuko digutenak.

 Horrela bada, bideo-kameraz lagundurik egindako gure ibilbide hau ez dugu momentuz amaitutzat emango. Beraz, orain arte gure lantxoak jarraitu dituzuenok, hemendik aurrera ere gurekin bat egiteko animatu nahi zaituztegu. Jakin badakigu ikusle asko ez izanda ere, oso fidelak zaituztegula, horregatik, ez dugu amaitu nahi zuei eskerrak eman gabe.